Vllaznia- Tirana direkt në RTSH Shkodra / Zëvëndëstrajneri Dodani thirrje tifozëve për të mbushur “Qazim Dervishin”
vllaznia vajza
Vllaznia-Tirana është ndeshja më e rëndësishme e javës së gjashtë e Superligës së volejbollit për femra. Dy skuadra që rivalizojnë për katërshen më të mirë finaliste të fazës Play-Off, dhe që rezultati i kësaj jave përcakton shumë në renditjen e tabelës së klasifikimit. Skuadra kuqeblu nën drejtimin e dyshes së trajnerëve, Nora Deda dhe Ardian Dodani po punojnë fort në seancat stërvitore të kësaj jave, në mënyrë që në përballjen e së shtunës, Vllaznia të marrë rezultat pozitiv. Teksa e vlerëson si ndeshje shumë të fortë, zv.trajneri Ardian Dodani, beson shumë tek mbështetja e lojtarit të shtatë, tifozërisë shkodrane.
Sipas teknikut Dodani, fitorja e javës së kaluar në transfertë me Teutën i ka dhënë më shumë moral skuadrës kuqeblu.
Ndeshja Vllaznia-Tirana, e vlefshme për javën e gjashtë të Superligës së volejbollit për femra do të transmetohet drejtpërdrejtë nga pallati i sportit “Qazim Dervishi” nga rrjeti i Radiotelevizionit Shqiptar, përfshirë edhe ekranin e RTSH Shkodra.
