Vllaznia U- 21 fiton ndaj Teutës – Goli i fitores u realizua nga mesfushori Maliqi
Me rezultatin minimal 1-0 është mbyllur takimi i Vllaznisë U21 ndaj Teutës së Durrësit.
Ndeshja, e luajtur në fushën sportive “Reshit Rusi, mesditën e së martës, ka pasur një rivalitet të fortë sportiv mes dy skuadrave, por që ka nxjerrë fituese shkodranët.
Autor i golit të vetëm të takimit ishte mesfushori Arval Maliqi.
Maliqi, është shfaqur i lumtur për golin, por edhe për përformancën në këtë sfidë.
Me këtë fitore, Vllaznia U21 kalon në vendin e katërt me 12 pikë, po aq sa ka edhe vendi i tretë që mbahet nga Bylis.
Ndërkohë, tabelën e klasifikimit e kryeson Apolonia me 19 pikë, e ndjekur nga Vora në vendin e dytë me 13 pikë.
