Volejbolli shkodran në një moment jo të mirë – Kroqi: Vllaznia e meshkujve ka potencial për titull kampion
Volejbolli shkodran është në një moment jo të mirë. Një gjë të tillë e pasqyron nisja e Kampionatit Kombëtar të volejbollit, ku dy ekipet e Vllaznisë, femra dhe meshkuj kanë vetëm nga një fitore.
Shqetësimi për një situatë të tillë vjen edhe nga ish- volejbollisti dhe trajneri i volejbollit, Mark Kroqi, opinion i të cilit erdhi gjatë emisionit “Studio Sport”, ku ai ishte i ftuar mbrëmjen e së mërkurës.
Sipas Kroqit, ekipi i meshkujve, me elementin e ri të talentuar, që ka në përbërje, ka potencial për titullin kampion.
Ndeshjet e radhës për ekipet e volejbollit shkodran janë ato që do të luhen në shtëpi, pasditen e së premtes përballë ekipeve respektive të Teutës.
