META 26
Kryetari i Partisë së Lirisë (PL), Ilir Meta, ka komentuar sot në një konferencë për shtyp humbjen e zgjedhjeve në bashkinë e Kukësit. Sipas Metës, zgjedhjet e fundit treguan se në vend ka një “parti-shtet”, e cila kontrollon votën e qytetarëve shqiptarë.
“Zgjedhjet e Kukësit janë një faqe më shumë në librin e zi të 14 majit dhe një tregues i partisë-shtet që kontrollon në mënyrë shumë të qartë votën e qytetarëve shqiptarë,” u shpreh Meta.
Duke vazhduar më tej, kreu i PL-së theksoi se opozita duhet të reflektojë.
“Është detyra e opozitës për të reflektuar në kushtet aktuale të një regjimi represiv, intimidues ndaj gjithë qytetarëve shqiptarë dhe ndaj atyre që gëzojnë bindje politike të ndryshme nga ato të qeverisë për të gjetur zgjidhjet më efikase për të ardhmen”, tehksoi ai.
I pyetur nga gazetarët nëse do të vazhdojë bashkëpunimin edhe pas këtyre zgjedhjeve me Sali Berishën, kryetari Meta u shpreh: “do të vazhdojmë të bashkëpunojmë me çdo faktor opozitar që nuk është zgjatim i këtij regjimi, për fuqizimin e opozitarizimit në vend”.
Zgjedhjet në Kukës u mbajtën pas dorëheqjes dhe shkarkimit të Safet Gjicit, pas publikimit të një videoskandali nga zyra e tij.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.