Vrasja e 14-vjeçarit, deputetët opozitarë: Të ngrihet komisioni i posaçëm “Pakti për Fëmijët”
Një grup deputetësh të opozitës kanë depozituare në Kuvend kërkesën për ngritjen e një Komisioni të Posaçëm Parlamentar i cili do të mandatohet për hartimin e një strategjie kombëtare për fëmijët e quajtur “Pakti për fëmijët”.
Sipas deputetëve opozitarë, ky dokument synohet të bëhet një platformë kohezive e bashkëkohore që do të adresojë nevojat aktuale dhe do të ofrojë zgjidhje të cilat përkojnë me interesat më të larta të qytetarëve.
Kërkesa e tyre mori shkas nga ngjarja tragjike e 18 nëntorit, ku pak metra larg shkollës ”Fan Noli”, u qëllua me thikë për vdekje 14-vjeçari Martin Cani.
“Mungesa e një reagimi të menjëhershëm e koherent e institucioneve e politikës, është e pafalshme.
Arsyeja e përgjegjësia publike duhet të dalin në plan të parë për parandalimin e ngjarjeve të ngjashme.
Ne deputetët nënshkrues të këtij propozimi, paraqesim kërkesën për ngritjen dhe funksionimin e një komisioni të posaçëm parlamentar i cili do të mandatohet për hartimin e një strategjie kombëtare për fëmijët të quajtur “Pakti për fëmijët”.
Ky dokument synohet të bëhet një platformë kohezive e bashkëkohore që do të adresojë nevojat aktuale dhe do të ofrojë zgjidhje të cilat përkojnë me interesat më të larta të qytetarëve.
Dokumenti synon të tejkalojë çdo lloj interesi apo ideologjie partiake duke reflektuar një qasje gjithëpërfshirëse dhe jo politizuese”, deklaruan deputetët opozitarë.
