Vrasja në Shkodër/ Shkak, sherri për parkimin. Identifikohet dhe shpallet në kërkim autori

Sherri për parkimin dyshohet se ishte shkak i vrasjes mbrëmjen e  së enjtes në Shkodër, konkretisht në fshatin Hot i ri, ku mbeti i vrarë 33-vjeçari Valter Fierza.

Burime nga policia e kryeqendrës së Veriut, bëjnë të ditur se, konflikti nisi mes vëllait të viktimës Kolë Fierzadhe dhe autorit të dyshuar të vrasjes, Klodian Mhilli.

Debati nisi në lokalin afër banesave, lidhur me parkimin e automjetit duke pretenduar se është bllokuar rruga. Rreth një orë pas këtij debati, konflikti vijoi mes viktimës Valter Fierza dhe autorit të dyshuar.

Pas debatit autori, që rezulton fqinj i viktimës, mori armën tip kallashnikov dhe e qëlloi duke e lënë të vdekur në vend. Ishin familjarët e viktimës, ata të cilët e gjetën të vdekur në mes të rrugës, afër automjetit të tij 33-vjeçarin Valter Fierza.

Pas vrasjes autori i dyshuar, Klodian Mhilli u largua në drejtim të paditur.