Vrau nënën me thikë, gjykata vendos burg pa afat për Arsen Danin, shtrohet në spital psikiatrik

62-vjeçari Arsen Dani, i cili të hënën masakroi me thikë nënën e tij, Gjylie Dani,  do të qëndrojë në burg pa afat, e po ashtu do të shtrohet në një spital psikiatrik. Ai u njoh këtë të enjte me masën e sigurisë në Gjykatën e Lezhës dhe referuar gjendjes së shëndetit mendor të 62-vjecarit, prokurori Francesk Ganaj kërkoi që ai të shtrohet në spital, kërkesë që u pranua dhe nga gjyqtari Lirim Bullica. Siç mësohet përmes burimeve, 62-vjeçari është me probleme të shëndetit mendor, me psikozë skizofrenike në kartelë. Krimi i rëndë në familje ndodhi mesditën e së hënës brenda një apartamenti në katin e katërt të një pallati, ku jetonin nëna 88-vjeçare bashkë me djalin me probleme të shëndetit mendor. Ish-arsimtarja Gjylije Dani u qëllua disa herë me thikë në shpinë nga djali i saj 62-vjeçar, Arsen Dani. Ndërsa, sipas të afërmve të tij, Dani ka mbaruar shkollën për mjekësi, madje ka qenë ekselent.