Vritet 28-vjeçari shqiptar në Greqi, autorë dy kushërinjtë e tij: Abuzonte me ne
Një 28-vjeçar shqiptar është vrarë në Greqi. Mediat greke raportojnë se dy vëllezër kanë goditur me thikë kushëririn e tyre, pasi pretendojnë se ai ka abuzuar me ta.
Gjithçka ka ndodhur rreth orës 22:50 të mbrëmjes së të hënës, kur efektivët e Policisë Rrugore, të cilët po lëviznin drejt Patisionit, kanë gjetur në rrugë të përgjakur 28-vjeçarin. I plagosuri, u dërgua me ambulancë në spitalin Evangelismos por nuk ka mundur t’i shpëtojë plagëve të marra.
Dy vëllezërit, kryesisht 17 dhe 19 vjeç, janë vetëdorëzuar në polici pak pas ngjarjes. 17-vjeçari ka marrë përsipër autorësinë, ndërsa pretendoi se 28-vjeçari, kushëri i tyre, ka abuzuar me të dhe të vëllanë.
