Xhaka për Shaqirin: Nuk ka shumë me një të majtë të tillë
Xherdan Shaqiri ka shënuar një gol me të cilin Zvicra mund të kalojë në fazën e 16-shes të Kampionatit Evropian. Futbollisti zviceran shënoi me një goditje që befasoi edhe bashkëlojtarët e tij, duke nisur nga Granit Xhaka i cili donte ta uronte personalisht pas ndeshjes kundër Skocisë.
“Ishte një paraqitje që na jep besim të madh dhe që mund ta shfrytëzojmë për të ardhmen. Skocia përdori shumë lojtarë, ndoshta duhet të kishim krijuar më shumë shanse. Është e qartë pse Shaqiri është kaq i rëndësishëm. Nuk ka shumë që kanë një këmbë të majtë si e tij”.
