Vazhdojnë me ritme të shpejta punimet restauruese në Xhaminë e Plumbit në Shkodër, e cilësuar si ndër 50 më të bukurat e botës. Aktualisht ajo po i nënshtrohet një rikonstruksioni të plotë, që synon edhe mbrojtjen nga përmbytjet.
Drejtoria Rajonale e Trashëgimisë Kulturore Shkodër sjell pamje nga kantieri i kulturës në objektin e Xhamisë së Plumbit, Monument Kulture i Kategorisë l, ku me rijetësimin e kësaj xhamie 250-vjeçare, ndër më të veçantat në Ballkan, do të jetë pjesë e itinerareve kulturore turistike për t’i dhënë një vlerë të shtuar turizmit të qëndrueshëm në territor.
Xhamia e Plumbit u ndërtua në vitet 1773-1774 nga Mehmet Pashë Bushatlliu, sipas modelit të arkitekt Sinanit.
Ajo u shpall Monument Kulture në vitin 1973 dhe është e vetmja xhami e ngelur në këtë zonë nga periudha osmane.
Ndërhyrja e fundit në këtë xhami është bërë në vitin 1865, pas përmbytjes së madhe të Shkodrës.
Restaurimi i kësaj xhamie po bëhet pas një marrëveshjeje të lidhur me palën turke. Ndërhyrja kryesore lidhet me zgjidhjen e problemit të përmbytjeve, krijimin e një sistemi kullimi të sigurt dhe pengimin e ujërave vërshuese.
Jo pa rëndësi është edhe sistemimi i peizazhit të ambientit përreth, për ta kthyer në një park të denjë për besimtarët e turistët.
Sipas grafikut të punimeve parashikohet që ajo të jetë gati në vjeshtën e këtij viti.
Në ambientet e Qendrës Kombëtare të Kinematografisë, u mblodh Komisioni Përzgjedhës i filmit që do…
Ndarja nga jeta e ish-deputetit demokrat Gerti Bogdani ka bërë bashkë politikën dhe në nderim…
Media franceze “Stars Insider” i ka kushtuar një shkrim bukurive dhe natyrës së Shqipërisë, duke e konsideruar…
Këtë të enjte (19 shtator), Presidentja e Komisionit Evropian Ursula fon der Lajen (Von der…
Sara dhe Naim Payman janë një çift mjaft i njohur në vendin tonë, për shkak…
Më shumë se 300 trupa nga Mbretëria e Bashkuar janë dislokuar në Kosovë, ndërsa misioni…
This website uses cookies.