Xhiro e Italisë 2025, prezantohet fanella e re e fituesit të garës
Teksa kanë mbetur edhe pak ditë nga nisja e Xhiros së Italisë 2025, organizatorët kanë prezantuar fanellën e re me ngjyrë rozë, atë që vesh fituesi i kësaj gare. Tekstura përmban një hartë botërore për të përcjellë natyrën ndërkombëtare të Xhiros.
Kujtojmë që ky edicion i Xhiros së Italisë do të nisë në Shqipëri me 3 etapat e para që do të zhvillohen në vendin tonë.
Edicioni i 108-të i garës së njohur çiklistike do të nisë në 9 maj (Durrës-Tiranë), në 10 maj do të zhvillohet një garë kronometri në kryeqytet, ndërsa në 11 maj do të zhvillohet etapa e tretë në Shqipëri që përfundon në Vlorë.
