Deputetja e Partisë së Lirisë, Erisa Xhixho ka komentuar nëpërmjet një reagimi në faqen e saj sociale vendimin e Gjykatës Kushtetuese, e cila pranoi pjesërisht kërkesën e studentëve të mjekësisë duke shfuqizuar disa nene në ligjin për trajtimin e veçantë të studentëve .
Studentët e Universitetit të Mjekësisë, shkruan Xhixho, ia dolën ta mundin qeverinë dhe mazhorancën e saj.
“Gjykata Kushtetuese iu dha të drejtë. Ligji antikushtetues me të cilin qeveria kishte planifikuar t’u mbante peng diplomat mjekëve të rinj rikthehet në Kuvend, aty ku u miratua me kartonat e shumicës që e hartoi”, shkruan Xhixho.
Ndaj shkruan ajo, kjo është beteja e fituar e mijëra studentëve që besuan në kauzën e tyre e bashkë me ta edhe e deputetëve të opozitës që u dolën në mbështetje që ditën e parë.
“Kauza e tyre është e drejtë dhe ne do ta mbrojmë sërish në Kuvend sepse besojmë fort se liria duhet të qëndrojë në themel të funksionimit të shtetit”.
Për deputeten Erisa Xhixho ky vendim duhet ti shërbej kthimit të shpresës që studentët të bëjnë zgjidhjen e parë Shqipërinë dhe mos të detyrohen me ligj.
“Besojmë fort te një Shqipëri që të rinjtë e zgjedhin si vendin ku do të ndërtojnë të ardhmen e tyre, pa qenë nevoja t’i detyrojmë me ligj. Sot u fitua një betejë dhe kjo jep shpresë për hapin e radhës! Bashkë ia dalim”, përfundon Xhixho.
Kryeministri Edi Rama ka deklaruar nga Elbasani se arsimi profesional është instrumenti i garancisë që…
Ekuinokset ndodhin dy herë në vit, ku dita dhe nata janë afërsisht të njëjtën gjatësi…
Moska vendosi këtë javë të zgjerojë kapacitetet e saj ushtarake, një tregues i mbingarkesës me…
Moti i keq që goditi një pjesë të madhe të rajonit italian të Emilia Romanjas…
Lamine Yamal është në histori me ndeshjen e luajtur kundër Monakos. Sulmuesi i Barcelonës i…
Një lajm i bujshëm vjen nga Franca. Gazeta sportive franceze, “L'Equipe” zbulon se mbrojtësi i…
This website uses cookies.