Kryeministrja e Italisë, Xhorxha (Giorgia) Meloni ka dënuar marrëveshjen e partive pro-evropiane për postet e larta në komisione.
Në një fjalim të mbajtur në parlamentin italian, Meloni tha se marrëveshja pasqyronte një pikëpamje se “qytetarët nuk janë mjaft të pjekur për të marrë vendime të caktuara” dhe u mor nga ato parti që besojnë se “oligarkia është në thelb forma e vetme e pranueshme e demokracisë”.
Gjashtë liderë evropianë, duke përfshirë Emanuel Makron (Emmanuel Macron), Olaf Sholz (Scholz) dhe Donald Tusk, konfirmuan të martën një plan për të emëruar politikanen e qendrës së djathtë Ursula fon der Lajen (von der Leyen) për një mandat të dytë si presidente e Komisionit Evropian dhe ndarjen e dy posteve të tjera kyçe mes socialistëve dhe liberalëve.
Në takimin përpara një samiti të BE-së të enjten, gjashtë liderët, të cilët përfshinin gjithashtu kryeministrat e Spanjës, Holandës dhe Greqisë, ishin negociatorët kryesorë që përfaqësonin Partinë Popullore Evropiane të qendrës së djathtë, socialistët dhe liberalët, të cilët së bashku mbajnë 55% të vende në parlamentin e ri evropian.
Meloni është presidentja e Konservatorëve dhe Reformistëve Evropianë, i cili është bërë grupi i tretë më i madh i parlamentit. Por ECR-ja euroskeptike u la jashtë marrëveshjes për punët kryesore.
“Grupi i tretë [më i madh] sot është një grup që nuk pëlqehet nga ata që janë duke vendosur,” tha Meloni, duke e quajtur BE-në një “gjigant burokratik” zgjedhjet e të cilit u diktuan nga ideologjia.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.