Zelenski vizitë në Kanada, kërkon më shumë mbështetje kundër pushimit rus

Presidenti ukrainas Volodymyr Zelensky ka nisur një vizitë të paparalajmëruar në Kanada. Udhëtimi drejt Otavës vjen pas vizitës në Shtëpinë e Bardhë, ku ai mori mbështetjeje nga presidenti amerikan Joe Biden për luftën kundër Rusisë.

Biden tha se tanket e para M1 Abrams do të arrijnë në Ukrainë javën e ardhshme. Kanadaja po ashtu, i ka ofruar Ukrainës gati 9 miliardë dollarë ndihmë ushtarake dhe ndihmë të tjera që nga fillimi i pushtimit rus. 

“Populli ukrainas është maja e shtizës që po përcakton të ardhmen e shekullit të 21-të. Kanadaja mbetet e palëkundur në mbështetjen tonë për popullin e Ukrainës,” tha Trudeau në një deklaratë përpara mbërritjes së Zelensky.

Kanadaja është shtëpia e diasporës së dytë më të madhe ukrainase në botë pas Rusisë, me rreth 1 milionë e 360 mijë njerëz me origjinë ukrainase. 

Ndihma e Kanadasë prej 8.9 miliardë dollarësh për Ukrainën ka përfshirë më shumë se 1.8 miliardë dollarë ndihmë ushtarake, duke përfshirë tanke Leopard 2, sisteme të mbrojtjes ajrore dhe artilerie, armë antitank, dronë dhe pajisje të tjera.