Zelensky: Ose e ndalojmë Putinin ose rrezikojmë luftën botërore
Presidenti ukrainas Volodymyr Zelensky në një intervistë për CBS tha se, “Nëse nuk qëndrojmë ende, Putini do të avancojë më tej. Ky nuk është vetëm spekulim boshe, kërcënimi është real”.
Sipas tij, qëllimi përfundimtar i Putinit është të ringjallë Perandorinë Ruse dhe të ripushtojë territoret aktualisht nën mbrojtjen e NATO-s.
Duke marrë parasysh të gjitha këto, unë mendoj se situata mund të përshkallëzohet në një luftë botërore”, tha Zelensky.
“Nuk do të ketë vend të sigurt, nuk do të ketë vend të sigurt për askënd“, shtoi ai.
Në të njëjtën intervistë, Zelensky ftoi homologun e tij amerikan Donald Trump të vizitojë Ukrainën për të parë shkatërrimin dhe “të shohë njerëzit, civilët, luftëtarët, gratë, fëmijët dhe spitalet të shkatërruar ose të vdekur“.
“Ejani, shikoni dhe pastaj ne ecim përpara me një plan për t’i dhënë fund luftës”, shtoi ai, duke përsëritur se “zëvendëspresidenti Vance po justifikon disi veprimet e Putinit. Unë u përpoqa t’i shpjegoj atij se “këtu nuk ka rrugë të mesme, ka një agresor dhe ka një viktimë. Rusët janë agresori, ne jemi viktima”. Të gjithë e kuptojnë këtë”.
