Presidenti ukrainas, Volodymyr Zelensky, ka theksuar se ai është i bindur se marrëdhëniet me Presidentin amerikan, Donald Trump, mund të shpëtohen, pavarësisht përplasjes që ndodhi gjatë një takimi të tensionuar në Zyrën Ovale. Në një intervistë për Fox News, Zelensky tha se marrëdhëniet mes dy shteteve janë më shumë se thjesht ato mes dy presidentëve, duke theksuar rëndësinë e lidhjeve historike dhe miqësisë mes popujve të Ukrainës dhe Shteteve të Bashkuara.
“Po, sigurisht, sepse janë marrëdhënie më shumë se dy presidentë. Janë marrëdhëniet historike, marrëdhëniet e forta midis popullit tonë, dhe kjo është arsyeja pse unë gjithmonë falënderoj popullin amerikan nga ana e popullit tonë. Sigurisht, falënderues për presidentin, dhe, natyrisht, për Kongresin, por para së gjithash, për popullin tuaj. Njerëzit tuaj ndihmuan në shpëtimin e popullit tonë.” tha Zelensky.
Zelensky pranoi se përplasja e fundit ka shkaktuar tensione, por theksoi se “nuk ishte i sigurt se ne bëmë diçka të keqe”.
“Unë thjesht dua të jem i sinqertë dhe vetëm dua që partnerët tanë ta kuptojnë situatën saktë dhe unë dua të kuptoj gjithçka saktë. Kjo është për ne që të mos humbasim miqësinë tonë,” tha ai.
Nga ana tjetër, Sekretari amerikan i Shtetit, Marco Rubio, komentoi përplasjen duke thënë se bisedimet e ardhshme me Zelenskyn nuk do të shkojnë më tej derisa ai “të jetë gati për të bërë paqe”.
Rubio shtoi se Trump dëshiron një marrëveshje paqeje së pari dhe pastaj të diskutohet për garancitë e sigurisë.
“Kjo nuk do të thotë se ato garancitë e sigurisë nuk mund të ndodhin si pjesë e atij negocimi, por ju duhet të keni një marrëveshje,” tha Rubio.
Takimi i Zelenskyt me Trump dhe Zëvendës Presidentin JD Vance shpërtheu në një grindje mes tyre në Shtëpinë e Bardhë, ndërsa kamerat e të gjithë botës ishte të fokusuar drejt tyre. Grindja mes tyre bëri që Trump dhe Zelensky të ndahen pa marrëveshje për t’i dhënë fund luftës midis Ukrainës dhe Rusisë.
Autoriteti Kombëtar i Ushqimit njoftoi se për një sasi prej 52 kg luleshtrydhesh të importuara…
Kryetarja e Kuvendit, Elisa Spiropali, priti në Kryesinë e Kuvendit, misionin vëzhgues parazgjedhor të Asamblesë…
Në kuadër të ftesës për të vëzhguar zgjedhjet parlamentare të 11 majit, një mision parazgjedhor…
Kombëtarja shqiptare e vajzave arriti një fitore të madhe në “Loro Boriçi”, duke mposhtur Kroacinë…
Numri i të vdekurve nga zjarri që shpërtheu më 16 mars në një klub nate…
"Me tre përsonat kemi patur një konflikt të çasti dhe nuk jam në gjendje të…
This website uses cookies.