Më 11 janar nis regjistrimi i diasporës për zgjedhjet 2025 në Shqipëri. Lajmin e bën të ditur Komisioneri Shtetëror i Zgjedhjeve, Ilirjan Celibashi, përmes një postimi në rrjetin social Facebook.
Përmes një video mesazhi, ku fillimisht ka uruar fillimin e vitit të ri, Celibashi shprehet se regjistrimi do të bëhet nëpërmjet Platformës Elektronike të Regjistrimit të votuesve nga jashtë në të cilën mund të hyhet nga aplikacioni KQZ, ose nëpërmjet faqes së internetit të këtij institucioni.
“Duke uruar gjithë shqiptarët për një Vit të Ri 2025 me shëndet e mbarësi për ta, njoftoj se në datën 11 Janar 2025, fillon procesi i regjistrimit të votuesve nga jashtë, për zgjedhjet për Kuvendin e Shqipërisë të datës 11 Maj 2025.
Regjistrimi do të bëhet nëpërmjet Platformës Elektronike të Regjistrimit të votuesve nga jashtë në të cilën mund të hyhet nga aplikacioni KQZ, ose nëpërmjet faqes së internetit të këtij institucioni.
Ky është një moment historik për zgjedhjet në Shqipëri, pasi për herë të parë bashkëqytetarët tanë me banim jashtë territorit të Republikës së Shqipërisë, do të kenë mundësi të votojnë atje ku ata e kanë vendqëndrimin e tyre” thekson Celibashi.
Diaspora do të votojë për herë të parë në zgjedhjet e ardhshme parlamentare. Zgjedhjet për Kuvendin e Shqipërisë do të mbahen më 11 maj.
Shpallja e nominimeve të këtij viti për Oscar është vonuar me dy ditë për shkak…
Kryeministrja e Italisë, Giorgia Meloni (lex. Xhorxha) thotë se vendi i saj është gati për…
Në vijim të konsultimeve dhe kur pak orë na ndajnë nga nisja e regjistrimit të…
Edhe këtë javë Gjykata e Posaçme nuk arriti të marrë një vendim për dosjen e…
Një ngjarje e rëndë ka ndodhur në fshatin Drisht, ku një e moshuar 70- vjeçare…
Punimet për restaurimin e Xhamisë së Plumbit, një nga monumentet më të rëndësishme të kulturës…
This website uses cookies.