Zgjedhjet e 11 majit, misioni i ODIHR: Vlerësuam mjedisin parazgjedhor, kontroll të pavarur të procesit

Përfaqësues të OSBE/ODIHR kanë zhvilluar një vizitë paraprake në Shqipëri nga datat 3 deri më 6 dhjetor në kuadër të zgjedhjeve të përgjithshme parlamentare të 11 majit.

Me anë të një njoftimi, OSBE ka bërë me dije se qëllimi i këtij misioni, ka qenë vlerësimi i mjedisit parazgjedhor dhe përgatitjeve për zgjedhje.

Delegacioni i OSBE/ODIHR ka zhvilluar një sërë takimesh gjatë vizitës së zhvilluar në dhjetorin e 2024-ës, me zyrtarë të institucioneve shtetërore dhe administratës zgjedhore, si dhe me përfaqësues të partive politike, mediave, shoqërisë civile dhe komunitetit ndërkombëtar.

“Në pritje të një ftese për të vëzhguar zgjedhjet parlamentare të 11 majit 2025 dhe në përputhje me mandatin e saj, Zyra e OSBE-së për Institucionet Demokratike dhe të Drejtat e Njeriut (ODIHR) ndërmori një Mision të Vlerësimit të Nevojave (NAM) në Shqipëri nga 3 deri më 6 dhjetor 2024. NAM përfshinte Ulvi Akhundlu, Zëvendës Shef i Departamentit Zgjedhor të ODIHR dhe Kakha Inaishvili, Këshilltar Zgjedhor i ODIHR. NAM-it të ODIHR-it iu bashkua Sherif Abdili, Zyrtar Programi dhe Administrativ i Asamblesë Parlamentare të OSBE-së.

Qëllimi i misionit ishte vlerësimi i mjedisit parazgjedhor dhe përgatitjeve për zgjedhje. Bazuar në këtë vlerësim, NAM rekomandon nëse do të vendoset një aktivitet i lidhur me zgjedhjet e ODIHR-it për zgjedhjet e ardhshme dhe nëse po, çfarë lloj aktiviteti i plotëson më mirë nevojat e identifikuara. Janë zhvilluar takime me zyrtarë të institucioneve shtetërore dhe administratës zgjedhore, si dhe me përfaqësues të partive politike, mediave, shoqërisë civile dhe komunitetit ndërkombëtar. Një listë e takimeve i bashkëngjitet këtij raporti”, thuhet në njoftim.

Përveç një ekipi kryesor ekspertësh, nga ODIHR do 26 vëzhgues afatgjatë për të ndjekur procesin zgjedhor në mbarë vendin, si dhe 300 vëzhgues afatshkurtër për të vëzhguar procedurat e ditës së zgjedhjeve, duke përfshirë votimin, numërimin. të votave dhe tabelimit të rezultateve.