Kuvendi i ka kthyer përgjigje kërkesës për informacion nga Komisioni Qendror i Zgjedhjeve se sa herë i kanë bashkuar votat me Partinë Socialiste (PS) deputetët e Partisë Socialdemokrate (PSD) dhe të Partisë për Drejtësi, Integrim dhe Unitet (PDIU).
Sipas shkresës që disponon RTSH-ja, rezulton se këto dy parti i kanë bashkuar votat 8 herë me socialistët për të miratuar programin politik të qeverisë në 16 shtator 2021, si edhe për votimin e miratimin e buxheteve nga viti 2021 deri në 2025.
PDIU-ja, që e shkëputi koalicionin me PD-në, ka votuar vetëm disa herë pro mazhorancës, ndërsa PSD-ja ka votuar gjithmonë pro.
Në këtë mënyrë pritet që PS-ja të ndajë komisionerët me PSD-në.
Sipas rregullave zgjedhore, komisionerët do të ndahen mes partive parlamentare, si në komisionet e votimit, edhe në grupet e numërimit.
Kujtojmë se pas shkresës që Kuvendi i dërgoi KQZ-së, ku Spiropali deklaronte se shumicë parlamentare ishte vetëm Partia Socialiste dhe gjithë të tjerët ishin në opozitë, reagoi Partia Demokratike, që tha se PSD-ja dhe PDIU-ja i kanë bashkuar votat me PS-në.
Në këtë mënyrë, KQZ-ja kërkoi nga Kuvendi që të dërgojë letrën me të gjitha rastet kur këto dy parti i kanë bashkuar votat me socialistët.
Kënga fituese e edicionit të 63 të Festivalit të këngës në Radio Televizionin Shqiptar ka…
Miss Shqipëria”, eventi më i madh i bukurisë shqiptare, çeli siparin e edicionit të 27…
Vetëm pak javë pasi hodhi firmën në kontratën e re me Mançester Sitin, sipas së…
Në intervistën që dha për “SonntagsZeitung”, Mishel Platini tregoi disa prej problematikave të mëdha që…
Pas barazimit 1-1 për Supërligën, Vllaznia dhe Elbasani do të masin forcat sërish në “Loro…
Fshati i vogël i Goricës në njësinë administrative të Anës së Malit, në Bashkinë e…
This website uses cookies.