Kuvendi Qendror i krahut të Aleancës për Shqiptarët të Ziadin Selës pranoi të premten ofertën e Ali Ahmetit për të dalë së bashku në zgjedhjet presidenciale të 24 prillit dhe ato parlamentare të 8 majit në Maqedoninë e Veriut.
“Kuvendi i tha po ofertës për t’u bërë pjesë e “Frontit Europian”, që RMV të bëhet sa më shpejt pjesë e BE-së. Do të maksimizojmë votën e shqiptarëve”, tha Zinedin Sela.
115 delegatë të Kuvendit Qendror të subjektit shqiptar votuan pro dhe një votoi kundër ofertës së Ahmetit për t’iu bashkuar koalicionit “Frontit Evropian”.
Ky koalicion ka propozuar Bujar Osmani si kandidat për president në zgjedhjet presidenciale. Sipas marrëveshjes së koalicionit, e cila pritet të nënshkruhet nga Ahmeti dhe Sela të shtunën në Gostivar, ky subjekt synon të ketë pesë deputetë dhe grup të veçantë parlamentar.
Krahu i Selës në Aleancën për Shqiptarët ka 6 deputetë në parlament, ndërsa dy prej tyre mbështesin Arben Taravarin, kandidatin e opozitës shqiptare për president të Maqedonisë së Veriut.
Kryeministri Edi Rama ka deklaruar nga Elbasani se arsimi profesional është instrumenti i garancisë që…
Ekuinokset ndodhin dy herë në vit, ku dita dhe nata janë afërsisht të njëjtën gjatësi…
Moska vendosi këtë javë të zgjerojë kapacitetet e saj ushtarake, një tregues i mbingarkesës me…
Moti i keq që goditi një pjesë të madhe të rajonit italian të Emilia Romanjas…
Lamine Yamal është në histori me ndeshjen e luajtur kundër Monakos. Sulmuesi i Barcelonës i…
Një lajm i bujshëm vjen nga Franca. Gazeta sportive franceze, “L'Equipe” zbulon se mbrojtësi i…
This website uses cookies.