Nuk është një deklaratë që synon të lërë mënjanë kompeticionet e tjera, por pas Marottas dhe Inzaghit (si dhe disa lojtarëve të ndryshëm), edhe presidenti Steven Zhang konfirmon që objektivi kryesor i Interit këtë sezon është titulli kampion në Serie A.
“Interi është aty ku duhet të jetë. Kemi një ëndërr, yllin e dytë në fanellë dhe po punojmë që ta realizojmë këtë”, ka thënë presidenti i klubit zikaltër me anë të një videomesazhi dërguar skuadrës, që po zhvillonte festën e Krishtilindjeve, pasi nuk kishte mundësi që të ishte vetë prezent.
Pas rrugëtimit të gjatë europian sezonin e kaluar, që kulmoi me finalen e humbur në Champions League, është e qartë që klubi është i fokusuar që të paraqitet sa më mirë në Europë, por edhe në kompeticionet kombëtare. Interi ka fituar Kupën dhe Superkupën e Italisë, por titulli kampion mungon që nga viti 2021, kur skuadra drejtohej nga Conte. Zikaltërit kanë fituar 19 tituj kampion dhe këtë sezon synojnë titullin numër 20-të, që të mund të shtojnë një tjetër yll në fanellë (kujtojmë që pas 10 titujve të fituar skuadra mban një yll në fanellë).
Zhang la përgëzuar skuadrën për arritjet e vitit të kaluar dhe ka folur edhe për të ardhmen e klubit: “Rrugëtimi deri në finalen e Stambollit dhe ecuria e skuadrës këtë sezon më bën krenar. Ju falenderoj të gjithëve. Menaxhimi garanton vazhdueshmëri dhe Interi do të vazhdojë të qëndrojë në këto nivele. Falenderoj Inzaghin për punën e bërë, kjo është rruga e duhur”, ka thënë presidenti i klubit zikaltër.
Në prag të sfidës së nesërme ku Vllaznia do të pres në “Loro Borici” ekipin…
Teksa ka përfunduar shqyrtimi i dokumentacionit dhe kontrollet në terren, në qarkun Shkodër po vijon…
Figura e Artistit të Merituar Sali Mani, rapsodit të lahutës e çiftelisë, u përkujtua “in…
5 Pedagogë të Universitetit “Luigj Gurakuqi” kanë dalë në pension duke shpëputur marrëdhëniet me këtë…
Ka nisur mbrëmjen e së premtes Kampionati Kombëtar i boksit për vititn 2024, aktivitet që…
Pas restaurimit të fasadave të pallateve në lagjen “Partizani” në Shkodër, pak ditë më parë…
This website uses cookies.