Zhbllokohet aksi Theth-Ndërlysaj/Dalja e përroit nga shtrati bllokoi rrugën për disa orë
zhbllokohet aksi
Moti i keq solli probleme në qarkun Shkodër.Si pasojë e daljes nga shtrati të përroit Ndërlysaj dje në mesditë u bllokua segmenti Theth-Ndërlysaj, ndërsa në fshatin Buzhalë të Bashkisë Pukë, si pasojë e rrëshqitjes së dherave u dëmtua kabina e këtij fshati duke ndërprerë energjinë. Nga Institucioni Prefektit u kordinua puna me të gjithë strukturat vendore dhe rajonale për stabilizimin e situatës në segmentin e Thethit. Gjatë natës tre segmentet e bllokuara nga shembjet e dheut në rrugën e Thethit u zhbllokuan. Tashmë aksi rrugor nga Ndërlysaj në drejtim të Thethit është i hapur për udhëtarët.Gjatë natës u zhbllokua rruga edhe në vendet e njohura si “Shkëmbi i Thethit” dhe pranë “Centralit”. Ndërkohë vijon puna e strukturave të OSHEE në terren për riparimin e defekteve, të cilat për shkak të erërave të forta kanë dëmtuar shumë linja të furnizimit me energji elektrike.
