Zhduket 30-vjeçari në Shkodër, 25-vjeçarja denoncon në polici 55-vjeçarin se e përndiqte

Një 30 vjeçar është shpallur i zhdukur në Shkodër.Ka qenë babai i tij që ka bërë denoncim në polici të dielën se i biri është larguar nga banesa. Policia thotë se po punon për gjetjen e 30-vjeçarit. Ndërkohë, Komisariati i Policisë Shkodër referoi materialet në Prokurori, ku nisi procedimi në gjendje të lirë për një  55-vjeçar, banues në Shkodër, pasi ka kallëzuar një 25-vjeçare, se ky shtetas e ka përndjekur. Sakaq, me datë 16.06.2024, një shtetas 51- vjeçar ka kallëzuar se janë vjedhur 18 karrige në pronësi të biznesit që ai administron, në lagjen “Kongresi i Përmetit”. Punohet për identifikimin dhe kapjen e autorëve të këtij rasti. Lidhur me këto raste, materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme”, -thuhet në njoftimin e policisë.