Zhgënjen Vllaznia, mposhtet nga Skënderbeu, opinionet e analistëve Mani, Lugji dhe gazetarit Tonin Frroku

Ndonëse ballafaqimi i mbrëmjes së premte, me finalen e vogël të vendit të tretë dhe katërt të Superiores, Vllaznia-Skënderbeu nuk paraqiste ndonjë interes të madh, kjo sfidë pritej të mbyllej me fitoren e kuqebluve, që fatkeqësisht zhgënjyen duke u  mundur me rezultatin 3 me 2. Në këtë mëyrë, Vllaznia e mbyll sezonin e Superiores në vendin e katërt. Analiza e kësaj ndeshje zhgënjyese për kuqeblutë ka ardhur në emisionin “Emocionet e pas ndeshjes”, transmetuar mbrëmjen e së premtes në RTSH Shkodra, menjëherë pas përfundimit të ndeshjes përmes të ftuarve në panel, Ardit Mani dhe Fatmir Lugji si dhe lidhjes së drejtpërdrejtë me gazetarin sportiv Tonin Frroku në Korçë.

Më gjërësisht me panoramën sportive të javës do të njiheni në emisionin tjetër sportiv në RTSH Shkodra, atë të mbrëmjes së mërkurë, Studio Sport, ora 20:30.