Zjarr në një nënstacion elektrik në Shkodër, digjet edhe një magazinë
Një shkëndijë elektrike ka ndodhur në nënstacionin elektrik të Draçinit duke shkaktuar zjarr. Si pasojë ka marrë flakë edhe një magazinë pranë këtij në stacioni duke shkaktuar dëme materiale.
Ngjarja ka ndodhur rreth orës 11:30, ku dyshimet janë se për shkak të shkëndijës elektrike ka rënë zjarr në kabinën elektrike të një pallati në rrugën “Vëllezërit Frashëri”. Shkëndija në kabinë ka shkaktuar masë elektrike në nënstacionin elektrik në Draçin.
Shërbimet e Policisë po bashkëpunojnë me zjarrfikësit, për të mundësuar shuarjen e zjarreve. Ndërkaq, grupi hetimor, nën drejtimin e prokurorit, po heton për të dokumentuar shkaqet e këtyre rasteve.
