Zjarret në qarkun Shkodër, 3 vatra aktive, efektivët e FA në luftë me flakët
Tre vatra zjarri janë aktive në Bashkinë Shkodër. Sipas informacioneve, bëhet me dije se vijon ende e aktivizuar vatra në vendin e quajtur “Syri i Kaltër” në fshatin Theth, bashkia Shkodër. Në operacionin e shuarjes së zjarrit janë angazhuar punonjës të AdZM dhe efektivë të Forcave të Armtosura.
Po ashtu, për të luftuar flakët janë angazhuar edhe qytetarë të komunitetit e kryeplaku.
“Vijon aktive vatra e zjarrit në vendin e quajtur “Syri i Kaltër” në fshatin Theth, bashkia Shkodër. Ne operacionin e shuarjes së zjarrit janë angazhuar strukturat e mëposhtme: AdZM 3 punonjës. Forcat e Armatosura 10 efektive. Nga komuniteti po japin ndihme 6 persona dhe kryeplaku.
Në bashkinë Malësi e në orët e para të mëngjesit kemi patur 2 vatra zjarrit.
Vatra në fshatin Zagore është shuar plotësisht. Vatra në fshatin Bajze është shuar plotësisht. Momentalisht kjo bashki nuk ka zjarre aktive.
Në bashkinë Fushe Arrëz, në vendin e quajtur “Starme”, të Njësisë administrative Iballë vatra e zjarrit është plotësisht e izoluar. Aktualisht kjo vatër po mbahet në monitorim nga punonjësit e shërbimit pyjor”, thuhet në njoftim.
Institucioni i Prefektit të qarkut Shkodër ka qenë në gatishmëri për monitorimin dhe koordinimin e situatave.
