Zjarri në Turqi, rëndohet bilanci-66 persona humbin jetën, plagosen 51 të tjerë

66 persona kanë humbur jetën dhe 51 të tjerë kanë mbetur të plagosur nga zjarri që shpërtheu në një hotel në qendrën e skive Kartalkaya. Një numër i madh skuadrash të dërguara nga Bolu, Düzce, Kocaeli, Sakarya, Karabük, Zonguldak, Bartın dhe Ankaraja ndërhynë për të shuar zjarrin që shpërtheu për arsye që ende nuk dihen në një hotel në qendër të vendosur në majën e Köroğlu.

Puna në hotelin 12-katësh, ku zjarrfikësit arritën duke përdorur mjete me shkallë dhe shporta, u përqendruan në katet e sipërme. Disa pushues u panë duke lidhur çarçafë dhe duke i varur ato nga dritaret në përpjekje për të shpëtuar gjatë zjarrit.

Nga ana tjetër, disa të ftuar dhe punonjës që janë evakuuar nga hoteli po akomodohen në një tjetër hotel pranë hotelit ku ka rënë zjarri dhe po i nënshtrohen kontrolleve shëndetësore.

Në rajon mbërritën edhe ministri i Brendshëm Ali Yerlikaya, Ministri i Shëndetësisë Kemal Memişoglu, Ministri i Kulturës dhe Turizmit Mehmet Nuri Ersoy dhe presidenti i AFAD-it Okay Memiş.

Ministrat Yerlikaya, Memişoğlu, Ersoy dhe Presidenti i AFAD-it Memiş zhvilluan një takim lidhur me zhvillimet në një hotel në rajon me guvernatorin e Bolu, Abdulaziz Aydın, kryebashkiakun e Bolu Tanju Özcan dhe krerët e njësive përkatëse.  Në vendngjarje ka dalë edhe ministri i Industrisë dhe Teknologjisë Mehmet Fatih Kacır, i cili ka marrë informacion nga autoritetet dhe ka bërë ekzaminime.

Ministri Yerlikaya, në deklaratën e tij për shtyp pas takimit, raportoi se numri i personave që humbën jetën nga zjarri është rritur në 66 dhe numri i të plagosurve është rritur në 51. Ministri i Shëndetësisë Memişoğlu njoftoi se një nga 51 personat e plagosur nga zjarri po merrte trajtim në terapi intensive dhe 17 persona u liruan.