Zjarri përpin 4 baraka të romëve / Familjarët apel: Ndihmë për rindërtimin e barakave
barakat e djegura
Gjithçka që ka mbetur nga zjarri i një dite më parë janë mbetjet e oriendive apo hekurishtet që ishin në baraka.Zjarri nisi nga baraka e pare, ku për shkak të erës së fortë , brenda pak minutash ai u përhap edhe në 3 baraka të tjera ngjitur me njëra-tjetrën. Nata për ta ka qënë e vështirë. Disa i janë drejtuar familjarëve e të tjerë thonë se kanë fjetur jashtë në të ftohtë.
Apeli u drejtohet institucioneve që të ndihmojnë për rindërtimin e këtyre barakave në mënyrë që të kenë një vend për t’u drejtuar.
Të kontaktuar përfaqësues të shërbimit social në Bashkinë Shkodër bëjnë me dije se familjet janë ndihmuar me bazë ushqimore, dyshekë dhe veshmbathje ndërkohë që po shihet mundësia e strehimit të tyre.
