Zv.Kryeministrja Balluku me ISHTI në Velipojë, inspektohen strukturat hoteliere për sigurinë e pajisjeve

Zëvendëskryeministrja, njëherësh ministre e Infrastrukturës dhe Energjisë, Belinda Balluku,  ka qënë sot në Velipojë , së bashku me Inspektoratin Shtetëror Teknik dhe Industrial (ISHTI),   për të ndjekur nga afër inspektimin  e strukturave hoteliere, për sigurinë e pajisjeve nën presion dhe certifikimin e sistemit elektrik.

Inspektimet  po kryhen në prag të sezonit turistik , ku pritet të ketë një fluks tëpër të lartë , ndaj duhet të merren masat e duhura për  sigurinë e pajisjeve nën presion.

Kryeinspektori i Inspektoratin Shtetëror Teknik dhe Industrial , Sokol Zaimi,   u shpreh se deri tani në veri të vendit  janë inspektuar  60 subjekte, nga 187 gjithsej, ku dhe janë hasur dhe  problematika që lidhen me plotësimin e dokumentacionit.

Zëvendëskryeministrja Balluku theksoi se duhet vijuar me këshillimet, pasi nuk është qëllimi të vendosen gjoba për shkak të dokumentacioneve , por nuk do ketë tolerime për subjektet që nuk zbatojnë sigurinë teknike të pajisjeve.

Balluku vuri në dukje se i gjithë procesi i inspektimeve do të finalizohet deri në fund të këtij muaji,  për të mos penguar bizneset që po përgatiten për sezonin turistik.