Zvicra triumfon në Eurovizion 2024/Nemo shpallet fitues me këngën ‘The Code’
Këngëtari Nemo nga Zvicra ka fituar trofeun e Euro Song Kontest 2024 me këngën The Code duke marrë 365 pikë nga juritë e 37 vendeve, edhe 12 pikëshin e jurisë shqiptare por edhe votat e publikut dhe duke u renditur i pari me 591 pikë në total.Në vendin e dytë u rendit Kroacia me 547 pikë, ndërsa në vendin e tretë u rendit Ukraina. Nata finale e Eurovizion 2024 ngjiti në skenë edhe mjaft të ftuar të cilët elekrizuan Malmo ARENA. Lorin fituesja e një viti më parë dhuroi emocione përmes performancës së saj. Lorin triumfoi vitin e kaluar me këngën Tatoo.Festivali Europian i këngës i cili këtë vit u zhvillua në Suedi përkoi me 50 vjetorin e fitores së grupit legjendar suedez Abba në këtë konkurs muzikor i cili u bë i njohur globalisht pasi fitoi Eurovision, në vitin 1974, me këngën “Ëaterloo” . Organizatorët gjetën një mënyrë të veçantë për ta rikthyer në skenë grupin ABBA. Në skenë u ngjitën edhe fituesit e edicioneve të mëparshme të festivalit Europian të këngës si Koncita Vurst, Carola por edhe Sharrlot Perreli, ku kanë kënduar të gjithë bashkë.Shqipëria e cila këtë vit u përfaqësua nga këngëtarja Besa me këngën Titan edhe pse dhuroi një performancë të shkëlqyer në natën e dytë gjysmëfinale, e kuruar deri në detaje nuk arriti dot të kualifikohej për në natën finale. 25 shtete dhe jo 26 performuan këngët e tyre në finalen e madhe në Malmo Arena kjo pasi këngëtari Holandez u skualifikua nga gara si pasojë e një incidenti në prapaskenë . Dy netët gjysmëfinale dhe nata e finalës u transmetuan drejtpërdrejt në RTSH 1, rtsh muzik dhe Radio Tirana1, të cilat erdhën nën komentin e gazetarit Andri Xhahu.
